Domaine de Pouvraie Vouvray 2008

Domaine de Pouvraie Vouvray 2008 (LCBO#169706); $11.95 – 法國Loire 羅亞爾河係法國最長的河流，至於Loire Valley 係位於羅亞爾河沿岸嘅其中一個葡萄酒生產區域。呢支酒就產於該區域其中一個名叫Vouvray嘅產區，Vouvray區最主要及出名嘅葡萄品種就係Chenin Blanc(白詩南)。Chenin Blanc呢種葡萄酸性較高，但仍然保持良好嘅糖份適量甜度。呢支酒嘅顏色係淺淡黃色，沒有亮麗嘅光澤，沒有掛杯。一開瓶未搖晃酒杯時，聞到蜜糖及檸檬味(好似檸蜜嘅香味)。搖晃後與空氣混和一會，蜜糖味消失，青蘋果及檸檬皮嘅香氣漸漸滲出。一入口果味濃郁，先甜為酸，非常清脆，甜酸度配合得相當好。香味與味覺相當一致，青蘋果、檸檬味及少少如蜜糖嘅餘香。呢支酒適合配前菜沙拉等作為開胃餐前酒，都非常配合中菜(較油膩嘅菜色)，較濃味嘅家禽肉類如鴨肉及豬肉都襯這支酒。