Freixenet Cordon Negro Brut Cava Selection

Freixenet Cordon Negro Brut Cava Selection (LCBO#167791 200ml - $4.45; #74757 750ml - $11.95) 我試嘅係迷你版200ml，細細樽好別緻。Freixenet係西班牙一間專出有氣葡萄酒嘅酒廠，全世界都幾有名氣。呢支係Brut即係糖嘅份量係0-12grams per litre，係唔會好甜及帶乾身嘅口感，係葡萄氣酒中可以分為Brut Nature, Extra Brut, Brut, Extra Dry (Extra Sec/Extra Seco), Dry (Sec/Seco), Demi-Sec (Semi-Seco) to Doux (Sweet/Dulce)。香味有未成熟柚子果香及發酵味道，入口非常乾身，少許苦澀。酒嘅顏色係淺金黃，氣泡細及密，入口仍能飲到氣泡在口腔爆破嘅感覺。可以試吓配較淡嘅芝士頭盤或較濃味嘅生蠔。